GOODBYE 2017

2017年實在過得太快 自從6月份同舊公司完約之後 一直都係靠自己去做 好多野其實我都未識 未接觸過 未知道點運作 或者點先有效實行到嘅時候 就已經要為自己下決定 只好靠自己去思考 去觀察 去嘗試 去研究 其實係好大挑戰 亦都對我自己黎講有一份無形嘅壓力 但我知道 如果連我自己都唔努力唔盡力嘅話 身邊就算有再好嘅資源 再好嘅人力物力或者關係 都唔會幫到我 而家喺呢個時代呢個社會 變數太快 要靠自己 令到自己變強先係最好嘅方法

多謝呢一年黎 有支持我嘅每一位 其實你地對我做緊會一件事嘅接受 欣賞 鼓勵 就係我努力付出嘅證明 亦都係我繼續前進嘅動力 所以無論係支持過鐘意過「撫心自問」嘅你 鍾意睇「火雞姐系列」嘅你 又或者係鍾意睇YANKI跳舞教班嘅你 我都想喺呢度衷心感謝你哋 真心希望嚟緊2018年你地會繼續陪住我成長 繼續支持我 留言比我 ( 批評或者會令我進步嘅意見我都會接受 ) 仲有多D like& share 我嘅Vdo 俾多啲反應同鼓勵我 因為咁樣真係真係會幫到我好多！ 在心中啦！LOVE YOU ALL！ 2018年我地再一齊努力過！