YANKIDIN 

今時今日在香港做歌手未免有點難，買唱片的人買少見少，不過最近有一名Youtuber，抱著勇者無懼的心態，憑自己網上人氣轉型為歌手，她的名字叫丁可欣（Yanki）又名「火雞姐」，於最近在網上發佈第一首屬於自己的單曲《撫心自問》，由著名音樂人張家誠作曲，編曲，監製。
90後的Yanki，2011年成為Yes校花冠軍，她自小已學跳舞，曾為郭富城、許冠傑及徐小鳳等天王天后伴舞，雖然她以Dancer身分入行，但未有因此成名，反而她在閒時喜愛以「火雞姐」身分拍片，以高8度音效大數社會現象而紅爆網絡界，就連天后Sammi鄭秀文都有轉載火雞姐的影片。今次Yanki破天荒唱歌，雖說是夢想成真，但也有網民給予惡評，更有人報以人身攻擊：「我睇過咁多負面留言，我覺得為鬧而鬧嘅人最無聊！」

攝影：黃國立 剪接：許柏倫 髮型：Jamielee @Hair

有「火雞姐」之稱的樂壇新貴丁可欣（Yanki），最近推出其個人第一首單曲《撫心自問》，她坦言：「今次可以唱歌，其實係同韓國觀光會社合作，MV去到韓國取景。我到而家仲係覺得自己好似發緊夢，我由細到大都好想唱歌，到依家終於夢想成真，有一首自己嘅歌，我覺得一切都好唔真實，雖然係開心，但自己都有一定壓力。我發覺自己好認真去唱，但出嚟嘅效果，原來自己無自己想像中唱得咁好，我發覺得自己喺唱歌方面需要好大改善空間。」

雖然Yanki非常謙虛，但監製張家誠對呢把青澀的聲音讚賞有嘉：「其實我好欣賞Yanki，佢真係好勤力，我每次同佢錄音我都會教佢點樣唱，點樣演繹可以更加好，而佢每次都好聽話，會盡力做到我想要嘅要求。其實我都同唔少歌手合作過，真係唔係每個歌手都會聽監製所有嘅意見，而Yanki就做到呢點，佢每次入錄音室錄音你都會聽得出佢係苦練過。」

​

「多得『火雞姐』先多人留意我」

Yanki最近推出了其個人第一首單曲《撫心自問》，歌曲網上發佈兩星期，已經有超過11萬點擊，以新人來說是一個非常不俗的成果，談到網紅轉型做歌手似乎較為吃香，Yanki不諱言多得「火雞姐」：「我覺得係真係有優勢嘅，呢個時代真係唔需要簽公司先係一個明星，如果我唔係『火雞姐』，好坦白，真係唔會draw到人attention。其實我起初拍《火雞姐系列》真係無諗過出名，只係諗住玩吓，反而回響好好，好多人談論，呢樣真係意料之外。」

Yanki進軍樂壇的第一首歌是首情歌，但畢竟是她Dancer出身，跳唱歌曲將是她下個挑戰的目標：「近呢幾年好似無乜跳唱女歌手，所以我自己都好期待可以有自己嘅跳舞歌，不過如果我有機會的話，我都鍾意唱慢慢嘅慘情歌，不過我最想都係跳舞歌，但係我覺得自己要再進步先得，因為我唱歌真係未去到一個好好嘅水準，要將跳舞加唱歌兩種專業加埋一齊會變成更大嘅跳戰。」

火雞姐：嗰啲人最無聊！

人紅自然是非多，ＭＶ點擊高自然也多網上意見，談到火雞姐今次初試啼聲，有不少網民留言Like爆，也有人批評其歌藝，咬字，甚至打扮；問到火雞姐有無留意到毒舌留言，火雞姐大方接受大家意見：「有呀，緊係有留意啦。其實由我做youtuber開始我已經同自己講，拍出嚟嘅嘢唔會一定只有好嘅評語，所以我自己會有好嘅心理調整，我發覺既然好難去滿足哂所有人，不如我改變自己對件事嘅睇法。對我嚟講，我反而需要一啲真實嘅反應，雖然可能係批評，但係我自己係幾enjoy呢種批評，因為佢哋留言某程度上係幫你進步，我要令到呢啲人改觀。我睇過咁多負面留言，如果話我唱得唔好等等我可以接受，但為鬧而鬧嘅人最無聊！佢哋根本唔係focus喺件事上面！」

張家誠續說：「我有少少建議，佢哋（網民）留言係唔需要負責任，就算你做得幾好，佢哋要唔鍾意你，點都會唔鍾意你。我覺得唔需要為少數嘅人而影響自己心情。睇得簡單啲，唔好睇留言，通常人哋覺得好嘅未必會留言，惡意嘅人先會多留言，反而睇吓有幾多人「按like」，當有7千幾人like你，而只有少數人嘅批評，其實我覺得已經贏哂！」